Нууц мэдээллийн уурхай

Америкийн реалити шоуны од Ким Кардашианы экс нөхөр NBA-ын тамирчин Крис Хамприс 72 хоногийн настай богинохон гэрлэлтийнхээ талаар анх удаа хэвлэлд ярилцлага өгчээ. Тэрбээр хуучин эхнэр нь бүр анхнаасаа л түүнийг хуурч байсныг мэдсэн гэнэ. Ким Кардашиан хуримандаа рэппер Канье Уэстийг урихаас татгалзах үед Крис тэднийг холбоотой гэж сэжиглэж эхэлжээ. Реалити шоуны хамгийн халуухан хүүхэн Ким Кардашиан, NBA-ын тамирчин хоёр сүр дуулиантай хуримласан боловч ердөө 72 хоногийн дараа Ким гэрлэлтээ цуцлуулах өргөдөл гаргасан байдаг. Ким Кардашиан гэрлэлтээ цуцлуулах өргөдөл гаргасан нь NBА-ын одын нэр хүндийг шаварт хутгасан бөгөөд тэрбээр Кимд ухаангүй дурласан хэмээн ярьдаг билээ. Гэвч Крис гэрлэлт нь бүтээгүйд Кимээс илүү түүний гэр бүлийнхэн болон хадам ээжийгээ буруутгадаг. Тэрбээр Кимийг олны танил болгосон секс бичлэг ээжийнх нь санаа байсан хэмээн ярьсан аж. Ким Кардашиан одоо Кристэй гэрлэхээс өмнө учиртай байсан рэппер Канье Уэсттэй үерхэж байгаа бөгөөд гэр бүлийнхэн нь Кимийн Кристэй хуримласан тэр өдрийг болдог бол буцаахыг хүсдэг гэнэ лээ.

 Н.Рэй