С.Зориг агсны мэндэлсэн өдөр
Нийтэлсэн: 2012-04-20 08:50:17
.jpg)
Өнөөдөр ардчилалын алтан хараацай Санжаасүрэнгийн Зориг агсны мэндэлсний 50 жилийн ой тохиож байна. С.Зориг 1962 оны 4-р сарын 20-нд төрж 1998 оны 10-р сарын 2 таалал төгссөн юм. МУИС-ын магистрант байхдаа ардчилсан хувьсгалд оролцож, Монголын ардчилсан холбооны зохицуулагчийн хувиар үг хэлж, 1990 оны 3 дугаар сард Монгол Ардын Хувьсгалт Намын Төв Хороог буулгаж чадсан билээ. Тэрээр 1992, 1996 оны сонгуулиар сонгогдон, Ц.Элбэгдоржийн засгийн газарт ажиллан, засгийн газрыг татан буулгасны хойно түр үүрэг гүйцэтгэж байх үедээ бусдын гарт амь насаа алдсан билээ.
Монголын Ардчилсан хувьсгалын хөдөлгөөны удирдагчдын нэг, нэрт улс төрч амьд ахуй цагтаа ХЗЭ-н нийслэлийн хороонд зааварлагч, МУИС-д багш, 1990 оны намар Парламентийн бүлгэмийн гүйцэтгэх хорооны дарга, 1992-1998 онд УИХ-ын гишүүн, "Оюунтүлхүүр" сангийн хүндэт ерөнхийлөгч, Монголын шатрын холбооны ерөнхийлөгч, Монголын ажил олгогч эздийн нэгдсэн холбооны ерөнхийлөгч зэрэг алба хашиж байлаа. Монголын ард түмэн энэ хэргийг улс төрийн аллага байсан гэдэгт итгэлтэй байна.2003 оны 2 дугаар сарын тавны өдөр хэргийн талаар бодитой мэдээлэл өгсөн хүнд 500 сая төгрөг өгөх тушаал гарснаас аваад өдий төдий арга хэрэглэсэн бөгөөд даруй 14 жил өнгөрсөн ч түүний амийг бүрэлгэсэн хэргийг илрүүлж, буруутанг олоогүй л байна. Монголчууд шударга үнэн, эрх чөлөөнийхөө төлөө тэмцсэн баатрынхаа хойноос 14 дэх жилдээ хөшөөнд нь цэцэг өргөн эмгэнэл илэрхийлж байна.
