“Бороо Гоулд” ХХК 472.0 кг алт экспортолжээ
Нийтэлсэн: 2012-04-18 15:58:14
.jpg)
2012 оны 3 дугаар сарын байдлаар 883.8 сая ам.долларын бараа, бүтээгдэхүүн экспортолсон нь өнгөрсөн оны мөн үеэс 19.1 хувь буюу 141,7 сая ам.доллараар өссөн үзүүлэлт юм.
Мөн хугацаанд нийт экспортын 40.6%-ийг чулуу нүүрс, 22.5%-ийг зэсийн баяжмал, 12.2%-ийг төмрийн хүдэр ба баяжмал, 8.5%-ийг боловсруулаагүй нефть тус тус бүрдүүлж байна. Тус хугацаанд “Бороо Гоулд” ХХК 472.0 кг алтыг Канад улсад экспортолсон байна.
Цайрын хүдэр ба баяжмал, мөнгөжөөгүй алт, жоншны экспортын биет хэмжээ буурснаар нийт экспорт 24,7 сая ам.доллараар буурахаар байсан боловч (i) чулуун нүүрс ii) төмрийн хүдэр ба баяжмал, (iii) боловсруулаагүй нефтьний биет хэмжээний өсөлтөөс шалтгаалан 95.3 сая ам.доллараар, эдгээр бүтээгдэхүүн болон бусад бүтээгдэхүүний экспортын үнийн өсөлтөөс шалтгаалан 69.9 сая ам.доллараар тус тус нэмэгдсэн нь экспортын хэмжээ өнгөрсөн оны мөн үеэс өсөхөд нөлөөлжээ.
