Нууц мэдээллийн уурхай

Монгол  Улсын  Хүүхэлдэйн театр  хүүхэд  багачуудад  зориулж уран бүтээл  хийдэг  мэргэжлийн театруудын ясли гэхэд нэг их хэлсдэхгүй л болов уу. Тэд нэг настай бяцхан үзэгчдээс  эхлүүлээд  насанд хүрэгчдэд хүртэл уран бүтээл хийдэг.Тэгвэл 1-5 насны хүүхдүүдэд зориулан  бээлийт  жүжиг тавьж  амралтын өдөр бүр хүргэдэг бол дунд насныхад  орон, орны хүүхдийн шилдэг зохиолчдын  сор болсон бүтээлүүдээс дээжлэн хүргэж байгаа. Харин томчуудад “Баясгалант” хэмээх усан луу жилийн баярын мэндийг тохиолдуулан олны танил улс төрч Ц.Нямдорж, н.Ламбаа, Б.Жаргалсайхан нараар хийсэн хошин мэндчилгээг телевизүүдээр үзэгчиддээ хүргэсэн юм. Хүүхэлдэйн театрын хамт олон   цаашид  өсвөр насны хүүхдүүд зориулж ёс суртахуун,  гоо зүйн ач холбогдолтой уран бүтээл хийхээр  төлөвлөсөн бөгөөд  уран бүтээлийнхээ хажуугаар   сонирхолтой ярилцлагатай  тоглолтууд хийх гэнэ. Уг тоглолтоороо  шилжилтийн насны охид хөвгүүдэд  зориулсан  тэдний санал бодлоо солилцоход  учирч буй асуудлыг нь, хүсэл мөрөөдөл, ирээдүйд төлөвших  төлөвшлийнх нь талаар  үнэтэй  зөвлөгөө сургамж өгөх зорилго тавин ажилладаг билээ. Хүүхдүүдээ уйдаахгүйн үүднээс өөрсдийнх хүндэтгэж хайрлаж явдаг  олны танилууд урлаг спортын одуудтай сонирхолтой ярилцлага өрнүүлэх, уран бүтээлээс нь сонирхуулах байдлаар  “Охидын өдөр” “Хөвгүүдийн өдөр” зөвлөмжит тоглолтыг өргөн барих гэж байна. Энэхүү  “Охидын өдөр” нь  3-р сарын 8-ны 13:00 цагт болох ба уг тоглолтонд  “Киви” хамтлагийн дуучин Ука оролцож өсвөр насны охидуудад  сонирхолтой лекц  тавих аж. МУХТ-ын жүжигчдтэй хамтарсан уран бүтээлээ толилуулах болно. Ээж  аавууд т шилжилтийн насны өсвөр үеийн  охид хөвгүүдтэй бол түүнтэйгээ чөлөөтэй санал бодлоо хуваалцаж чаддагүй бол хүүхэлдэйн театрт болох энэхүү арга хэмжээнд оролцоорой.

Н.АСРАЛТ NUUTS.MN