Францын жүдочидтой халз барилдана
Нийтэлсэн: 2012-03-07 02:49:44
Монголын жүдо бөхийн холбооны урилгаар манай улсын жүдо бөхийн үндэсний шигшээ багийн тамирчидтай хамтарсан бэлтгэл хийхээр Францын шигшээ багийн тамирчид ирээд байгаа билээ. Тэд өнгөрсөн долоо хоногт Улаанбаатарт ирсэн бөгөөд хамтарсан бэлтгэл хийж буй Монгол болон Францын жүдочид маргааш халз барилдахаар болсон байна. Францын шигшээ багийн тамирчидын бүрэлдэхүүнд дэлхийн таван удаагийн аварга Тедди Ринье, ДАШТ-ий хүрэл медальт Уго Легран, Тьерри Фабре тэргүүтэй Францын 12 тамирчин багтаж байгаа гэнэ. Францын тамирчид 2 багт хуваагдан Монголын 2 багтай өрсөлдөх ба тэмцээн Спортын төв ордны “А” танхимд 16.00 эхлэх юм байна. Гэхдээ эхний ээлжинд зөвхөн эрэгтэй тамирчдын дунд халз барилдаан зохион байгуулах ажээ. Харин Францын эмэгтэй жүдочидын хувьд энэ сарын 15-нд манай тамирчидтай халз өрсөлдөнө.
У.Анхаа Nuuts.mn
