Эрүүл мэндийн сайд Азийн Хөгжлийн Банкны суурин төлөөлөгчийг хүлээн авч уулзлаа
Нийтэлсэн: 2012-02-15 03:47:45
Эрүүл мэндийн сайд Н.Хүрэлбаатар Азийн Хөгжлийн Банк /АХБ/-ны Монгол улс дахь суурин төлөөлөгч Роберт М. Шоэллхаммэр болон албаны бусад хүмүүсийг ЭМЯ-ны уулзалтын танхимд хүлээн авч ууллаа. Роберт М. Шоэллхаммэр сайд Н.Хүрэлбаатарт эрүүл мэндийн сайдын албанд шинээр томилогдсонд баяр хүргээд, АХБ Монгол Улсын эрүүл мэндийн салбарт сүүлийн 10 гаруй жил үр дүнтэй хамтран ажиллаж байгаа талаар тэмдэглэн хэллээ.
Сайд Н.Хүрэлбаатар хариу талархал илэрхийлээд, ЭМСХХ-1,2 дугаар төслийг хамтран амжилттай хэрэгжүүлсэн, одоо ЭМСХХ-3 болон 4 дүгээр төсөл хэрэгжиж байгаа, мөн 5 дугаар төслийн бэлтгэл ажил хангагдаж байгааг талаар мэдээлэл өглөө. Мөн эдгээр ажлуудад АХБ-ны Монгол Улс дахь суурин төлөөлөгчийн газрын оролцоо, дэмжлэг чухал гэдгийг онцлон тэмдэглэв. Уулзалтын үеэр ЭМСХХ-4 төслийн нэг бүрэлдэхүүн хэсэг болох УБ хотын Сонгинохайрхан дүүрэгт олон төрлийн тусламж үйлчилгээтэй загвар эмнэлэг барихад тулгарч буй санхүүжилтийн асуудал, түүнийг шийдвэрлэх арга замын талаар харилцан санал солилцлоо.
Б.Ундрал NUUTS.mn™
