Сар шинийн баярын өдрүүдэд 930 автобус, 668 такси үйлчилнэ
Нийтэлсэн: 2012-02-15 02:55:55
Арван долоо дугаар жарны “Баясгалант” хэмээх усан Луу жилийн сар шинийн баярын өдрүүдэд нийслэлийн нийтийн тээврийн үйлчилгээг дараах хуваариар зохион байгуулж иргэддээ үйлчилнэ.
Үйлчилгээний цагийн хуваарь:
• Битүүний өдөр буюу 2 дугаар сарын 21-ний өдөр өглөө 6 цаг 30 минутаас орой 22 цаг 30 минут хүртэл үйлчилнэ.
• Шинийн нэгэн, хоёрон, гурванд буюу 2 дугаарын сарын 22, 23, 24-ний баярын өдрүүдэд үйлчилгээг 8.00 цагаас 22 цаг 30 минут хүртэл явуулна.
Үйлчлэх чиглэл, тээврийн хэрэгсэл:
1. Үндсэн 60 чиглэлд их багтаамжийн 604 автобус, троллейбус,
2. Туслах 21 чиглэлд 233 бага багтаамжийн автобус,
3. Хот орчмын 13 чиглэлд их багтаамжийн 63 автобус,
4. Захиалгат үйлчилгээнд 30 бага багтаамжийн автобус нийт 930 автобус үйлчилнэ.
5. Таксийн 15 аж ахуйн нэгжийн 668 такси үйлчилнэ. Хот орчмын чиглэлүүдэд ажиллах автобусны тоог нэмэгдүүлнэ. Ийнхүү сар шинээр нийтийн тээврийн үйлчилгээнд нийтдээ 1598 тээврийн хэрэгсэл ажиллуулна.
Захиалгат үйлчилгээ:
Уламжлал болсон захиалгат үйлчилгээг зохион байгуулна. Толгойт, 7 буудал, Шархад, Хужирбулан, Чингэлтэй, Дамбадаржаа, Хайлааст, Дарь эх, Дэнжийн мянга, 3,4-р хороолол гэсэн чиглэлүүдэд нийт бага багтаамжийн 30 автобусаар үйлчлэх бөгөөд захиалгыг 32-63-52, 32-31-76, 93-12-62-87 дугаарын утсаар хүлээн авна.
Зорчигчдын үнэлгээ:
Нийтийн тээврийн үйлчилгээтэй холбоотой санал, хүсэлтийг 32-31-76, 32-63-52, 93-12-62-87 утсаар хүлээн авна гэж Нийслэлийн Нийтийн тээврийн газраас мэдээллээ.
Сар шинээр дуудлагаар үйлчлэх таксийн аж ахуйн нэгжүүдийн жагсаалт:
