Нууц мэдээллийн уурхай

Эх орон элэг нэгтнээ хайрлая хэмээн хэсэг залуус нэгдэн хөдөлгөөн хүртэл байгуулж газар шороогоо хайрлаж тэмцэж байгаа нь сайшаалтай. Тэгвэл сүүлийн үед үндсэрхэг үзэл нь хэт “туйлширч”,  фэнүүдийнхээ дургүйг хүргээд байсан дуучин Жавхлан хамгийн сүүлд Тусгаар тогтнолоо зарласны 100 жилийн ойгоор төрийн эрхмүүд гал тахих ёслол үйлдэхэд оролцсон юм. Тэрбээр “Би монгол хүн энэ өдрөөс хойш захтай дээл өмсөхгүй хэмээн дээлийнхээ захийг урж хаян үндсэрхэг үзлээ гайхуулж байсан нь саяхан. Үе үехэн түүний үндсэрхэг үзэл “хөдөлж” гадаадаас ирсэн хувцас өмсөхгүй, зөвхөн үндэсний хувцсаа өмсөнө гэдгээ зарласан. Гэвч монголдоо торго даавуугаа үйлдвэрлэдэг  байсан бол түүнтэй нэгдэх хүн олон гарах байсан биз. Үүний оронд рэппер Gee шиг үндэсний үйлдвэрлэлээ дэмжнээ гэсэн бол ч яахав. Gee хэзээ ч гадаадаас ирсэн хувцас өмсөж байгаагүй гэнэ. Үндсэрхэг үзэлтэй болоод ч тэрүү гадаадад үйлдвэрлэсэн хувцас өмсдөггүй, зөвхөн дотооддоо үйлдвэрлэсэн монгол брэндийнхээ хувцаснаас хамгийн томыг нь шилж сонгоод өмсдөг  гэсэн. Ямартай ч,  үндсэрэг үзэлтэй нийтийн дууны ханхүү “захгүй” дээлээр, хип хоп дуучин Gee үндэсний үйлдвэрийн хувцсаар гангарах нээ. Нэг л өдөр хоёр үндсэрхэг үзэлтэн дуучид маань үе тэнгийн залуучууддаа “Монгол үндэсний, монгол үйлдвэрийн хувцас  өмсөх аян”-д уриалан дуудаж,  хөдөлгөөн ч хийж  магадгүй шүү, харж л байгаарай.

Н.АСРАЛТ NUUTS.MN