Ибра гурван чухал тоглолт өнжинө
Нийтэлсэн: 2012-02-08 02:36:04
Италийн хөлбөмбөгийн холбооны мэргэжилтнүүд хуралдаж АС Милан клубийн довтлогч Златан Ибрахимовичийг өнгөрөгч ням гарагийн шөнө Наполи клубтай хийсэн тоглолтод эсрэг багийн тоглогч Салваторе Ароникаг доромжилсон хэмээн үзэж 3 тоглолт өнжүүлэх шийдвэр гаргажээ. Тоглолтын сүүлийн хагаст Златан Ибрахимович Салваторе Ароникаг доромжилсон, нүүр лүү нь санаатай цохисон хэмээн шүүгч Гианполо Тосел үзэж улаан хуудас өгсөн байна. Энэхүү тоглолтын дараа ахлах дасгалжуулагч Массимилиано Аллегри түүний улаан хуудас бол зөв шийтгэл гэж үзэж буйгаа мэдэгдсэн бөгөөд энэ талаар АС Миланы албан ёсны сайтад мэдээлжээ. Швед довтлогч Ибрахимовичийн өнжих 3 тоглолт нь Удинесе, Чезена болон Ювентүс клубуудтай маш чухал тоглолтууд ажээ. Златан Сериа А-гийн мэргэн буучдын жагсаалтанд 15 гоолтой 1-р байранд явж байжээ.
У.Анхаа Nuuts.mn
