Нууц мэдээллийн уурхай

НҮБ-ын дэргэдэх ОХУ-ын байнгын төлөөлөгч Виталий Чуркин НҮБ-ын Аюулгүйн Зөвлөлийн хуралдаан дээр Катарын ГХсайдтай “муудалцжээ”. Чуркин Катарыг газрын хөрснөөс арчина гэж заналхийлсэн тухай Алжирын Algeria ISP агентлаг мэдээлжээ.
Энэ хэрэг өнгөрсөн долоо хоногт Аюулгүйн Зөвлөл Сирийн эсрэг авах арга хэмжээний тогтоолыг хэлэлцэх үеэр болсон ба Орос, Хятад улсууд НҮБ-ын тогтоолд хориг тавьсан. Санал авахын өмнө Катарын сайд Чуркинд “Би Орост анхааруулж байна. Орос хоригоос татгалзаж, НҮБ-ын тогтоолыг дэмжихгүй бол Арабын бүх улсуудыг алдана” гэж хэлсэн байдаг.
Оросын төлөөлөгч хариу болгож “Та надтай иймэрхүү байдлаар харьцвал Катар улс гэдэг ойлголт өнөөдөр үгүй болно” гэж сүрдүүлжээ.
Чуркины хариултуудыг Оросын хэвлэлүүдэд “Ийм өнгөөр дахиад ам ангайвал чиний Катар маргааш болтол амьд байхгүй”? гэж нийтэлжээ. Чуркин нэмж “Би агуу Оросыг төлөөлж байгаа. Тийм учраас Оросыг төлөөлөн том чухал хүмүүстэй л ярина”  гэж доромжилсон ажээ.
Жич: Их гүрний дээрэнгүй үзлийн илрэл үү?...

Mr.Tuulai NUUTS.MN