Нөөцийн мах 1000-1300 төгрөгөөр хямд байна
Нийтэлсэн: 2012-01-16 02:31:20
Нийслэл хотын иргэдэд хямд үнэтэй мах худалдан авч хэрэглэх боломжийг бүрдүүлэхээр өнгөрөгч онд 21 аж ахуйн нэгж 12000 тонн нөөцийн махыг бэлтгэсэн. Нөөцийн мах бэлтгэлд зориулж нийслэлийн төсвөөс 6,8 тэрбум төгрөг гаргасан бөгөөд өчигдрөөс худалдаанд гарч эхэллээ. Нөөцийн махны үнийн хувьд үхрийн мах 3700, хонины мах 3200, ямааны мах 2600 төгрөгөөр борлуулах аж. Борлуулалт нэгдүгээр сарын 15-аас эхлэн долдугаар сарын 1 хүртэл нийслэлийн есөн дүүргийн 319 дэлгүүр буюу хороо тус бүрт 2-3 цэгээр худалдах юм. Нөөцийн махыг 1, 2, 3 кг-аар жижиглэн савлаж, “Нөөцийн мах” гэсэн хаяг, шошготой нийлүүлэх юм байна. Хүчит шонохр, Баянгол, Бэлх, Хархорин захууд, Бөмбөгөр худалдааны төвд лангуу гаргаж худалдах бөгөөд махны хангамжийг нэмэх зорилгоор дүүрэг тус бүрт махны өргөтгөсөн худалдааг сар бүр зохион байгуулахаар болсон байна.
П.Мөрөн
You have shed a ray of suihnnse into the forum. Thanks!