Эрдэмтэд: Дэлхийг биологийн сүйрэлд хүргэх вирус гарган авчээ
Нийтэлсэн: 2012-01-10 08:35:56
.jpeg)
Америкийн хэвлэлүүдэд эрдэмтэд хүн төрөлхтнийг биологийн сүйрэлд оруулахад бэлэн байна гэж бичиж байна. Голландад мэргэжилтнүүд шувууны томууны өдөөгч дээр туршилт хийх явцдаа олон зуун сая хүнийг устгаж чадах вирус гаргаж авсан байна. Энэ тухай The New York Times хэвлэлд вирусыг маш сайн хамгаалахгүй бол алан хядагчид хулгайлан авахыг оролдох болно гэж бичсэн байна. Дэлхийн хүн амд өндөр аюул учруулж болох тул шинжээчдийг нээлтийн тухайгаа дэлгэрэнгүй нийтлэхгүй байхыг Америкийн засгийн газар хүсчээ. The New York Times сонинд “Судалгааг Америкийн эрүүл мэндийн үндэсний институтын санхүүжилтээр Голландын Эрүүл мэндийн төвд хийсэн. Эрдэмтэд шувууны томууны нянг лабораторийн нөхцөлд мутацид оруулснаар 5 дахь үед агаар дуслын замаар дамждаг супер вирус гарган авсан” гэж бичсэн байна. Энэ шинжлэх ухааны нээлт түүхэнд байгаагүй арга хэмжээ авахад хүргэжээ. АНУ-ын Засгийн газрын дэргэдэх Био аюулгүй байдлын эрдэм шинжилгээний үндэсний зөвлөл шинжлэх ухааны томоохон сэтгүүлүүд Science болон Nature нарт хандан шинжлэх ухааны нээлтийн тодорхой зүйлийг нийтлэхгүй байхыг хүссэн. Учир нь алан хядагчид судалгааны тухай ойлголттой болсон тохиолдолд үхлийн аюултай вирусыг бүтээж, тараах боломжтой гэнэ.
Mr.Tuulai NUUTS.MN
