Эдийн засгийн “цогц” мэдээлийн сайт мэндэллээ
Нийтэлсэн: 2012-01-04 04:56:15
Монгол улс 2012 оныг эдийн засгийн үсрэнгүй хөгжлийн жил байна хэмээн таамаглаж буй. Тиймдээ ч хүн бүрт манай улсын эдийн засгийн мэдээ мэдээлэл сонин содон байж, анхаарлаа хандуулж байгаа болов уу. Харин энэхүү эдийн засгийн мэдээ мэдээллийг нэг дороос уншиж, танилцах болмжыг нэмгдүүлэхээр өнгөрсөн оны хоёрдугаар сард Mongolian Economy сэтгүүл мэндэлж байсан билээ. Тэдний хичээл зүтгэлийг МҮХАҮТ-ээс үнэлж, 2011 оны оны онцлох Enterpreneur буюу шилдэг сэтгүүлээр шалгаруулсан аж. Тус хамт олон өнөөдөр үйл ажиллагаагаа улам өргөжүүлж www.mongolianeconomy.mn болон Economy студийг нээлээ. Уг сайтыг мэдээллийн технологийн “Синглтон” компани хийж гүйцэтгэсэн аж. Энэхүү шинээр нээгдэж буй вэб зөвхөн эдийн засгийн салбарын мэдээ, мэдээлэл, ярилцлага, нийтлэл, шийдвэр гаргагчдын гаргасан хууль тогтоомж ард иргэдийн амьдралд хэрхэн нөлөөлж байгаа зэрэг бүхий л асуудлууд тавигдахюм байна. Мөн мэдээ, мэдээллээ англи, монгол хэлээр уншигчдад хүргэх бөгөөд гадаадын улс орнууд монголын эдийн засаг, уул уурхайн талаар анхаарлаа хандуулдаг болсонтой холбоотой гэнэ. Түүнчлэн Economy студийг нээснээр эдийн засгийн нийтлэл нэвтрүүлгүүдийг бэлтгэж, телевизийн сувгуудаар олны хүртээл болгох аж.
П.Наран NUUTS.mn
