Нууц мэдээллийн уурхай

Монгол-Оросын хамтарсан гуравдугаар сургуулийн захирал Ж.Соронзон. Тэрбээр 2019 онд философич мэргэжилтэй нөхөр Н.Лүндэндоржийгоо тэтгэвэртээ суумагц өөрийнхөө сургуульд түүхийн багшаар ажиллуулах болсон

 БШУЯ-ны харьяа Монгол-Оросын хамтарсан гуравдугаар сургуулийн нэр дээр бүртгэлтэй, 00-30 УБО улсын дугаартай Тоёота ланд круйзер-100 маркийн автомашинаар Хөвсгөл аймгийн Тосонцэнгэл сумын харьяат, 18 настай Э гэгчийг дайрч амь насыг нь хохироосон маш ноцтой ослыг өдгөө Монгол-Оросын хамтарсан гуравдугаар сургуульд түүхийн багшаар ажиллаж буй Н.Лүндэндорж үйлдэж байсан.

ЗГХЭГ-ын дарга Ц.Нямдорж УИХ-ын чуулганы танхимд “Н.Лүндэндоржоо чи 2.7 хувийн согтолттой байхдаа хүн дайрч, чирж алсан алуурчин шүү дээ” хэмээн нэгэнтээ хэлж ч байсан удаатай.

Н.Лүндэндоржийн хүн дайрч амийг нь хөнөөсөн автомашин

Уг ноцтой аллага 2010 оны нэгдүгээр сарын 02-ний өдөр болсон бөгөөд авто осол гарсан гэдгийг дуулж хэргийн газарт очиж байсан Монгол-Оросын хамтарсан гуравдугаар сургуульд багшаар ажилладаг нэгэн гэрч бидэнд хэлэхдээ “ХУД-ийн Улаанбаатар цахилгаан түгээх сүлжээ ТӨХК-ийн уулзвар дээр биднийг очиход сургуулийн нэр дээр бүртгэлтэй Тоёота Ланд круйзер-100 маркийн автомашины зүүн урд талж хонхойж гэмтсэн, их гэрэл хагарч бутарсан байдалтай байсан. Талийгаачийн цогцос байгаагүй. Харин замын нөгөө талд Ж.Соронзон захирал айж цочирдсон байдалтай зогсож байсан. Би Н.Лүндэндорж гуайг эхнэртэйгээ /Ж.Соронзон, Монгол-Оросын хамтарсан гуравдугаар сургуулийн захирал/ хамт явж байхдаа осол гаргаад цагдаа нарыг ирэхээс өмнө замын нөгөө тал руу явуулсан байх гэж боддог. Ослыг нисэх, яармагийн чиглэлээс Улаанбаатар руу орохоор явж байхдаа үйлдсэн байсан. Сүүлд Ж.Соронзон захирал талийгаач охины талаар их муухай үг хэлсэн нь одоо ч сэтгэл өвтгөдөг. Тэрбээр муусайн гуйлгачдын ар гэрийнхэнд нэг байр өгч байж амыг нь тагласан гэж шууд хэлж байсан удаатай” гэсэн юм.

Ар гэрийнхнийг нь орон сууцаар хуурч амыг тагласан болоод ч тэрүү уг хүн амины хэргийнхээ төлөө Н.Лүндэндорж гуай ямарч ял шийтгэл авсан гэж дуулдаагүй.

Тус сургуульд багшаар ажилладаг гэрч бидэнд нэмж хэлэхдээ “БШУЯ-ны харьяа Монгол-Оросын хамтарсан гуравдугаар сургуулийн нэр дээр бүртгэлтэй, 00-30 УБО улсын дугаартай Тоёота ланд круйзер-100 маркийн автомашин одоо ч байгаа. Ж.Соронзон захирал 2020 оны тусгай тоноглолтой Ланд круйзер-200 маркийн автомашиныг сургуулийн хөрөнгөөр авснаасаа хойш тэр машинаа голоод унахаа байсан. Тусгай гэрэл дохио болон дуут дохиогоор тоноглосон тэрхүү машинаараа одоо ач зээ нарыг сургууль рүү хүргүүлэх болон авхуулах зорилгоор ашиглаж байгаа” гэсэн юм.

БШУЯ-ны харьяа Монгол-Оросын хамтарсан гуравдугаар сургуулийн захирал хүн ач, зээгээ зөөлгөх зорилгоор ашигладаг автомашиндаа тусгай гэрэл болон дуут дохиогоор тоноглох эрх авсан байгаа нь эрхгүй анхаарал татна.

Хэн гэгч албан тушаалтан тус сургуульд хүүхдээ элсүүлэхийн тулд Ж.Соронзон захиралд тал засаж, хууль журмыг ноцтойгоор зөрчин тийм эрх олгов гэдгийг шалгадаг байгууллага нь шалгах л ёстой байх.