СЕХ санал хураалтын ирцийг гурван удаа мэдээлнэ
Өнөөдөр Монголчууд бид ирэх зургаан жилд төрийн тэргүүнээр ажиллах хүнээ санал өгөх замаар сонгоно. Санал хураах байрууд өглөө 07.00 цагт үүдээ нээлээ.
Энэ удаагийн сонгуульд нийт 2 040 556 сонгогчийг бүртгэжээ. Тэд орон даяар байгуулсан 2087 хэсэгт очиж саналаа өгнө.
СЕХ өнөөдөр дөрвөн удаа санал хураалтын явцыг танилцуулна. 12.00, 16.00, 20.00 цагуудад болох хэвлэлийн бага хурлыг бид та бүхэнд шууд дамжуулан хүргэх болно. Цар тахлын улмаас СЕХ хүсэлт гаргасан бүх хэвлэл мэдээллийн хэрэгслийн ажилтнуудыг дотогш нэвтрүүлэх боломжгүй болсон. Нийт 45 сэтгүүлч, зураглаач СЕХ-ноос зохион байгуулах хэвлэлийн хурлуудыг дамжуулахаар ажиллах юм.
