ММСУХ-ны дэд тэргүүн Б.Нямжав Монгол улсын Манлай Уяач боллоо
Нийтэлсэн: 2021-06-04 05:38:47
Монгол Улсын Ерөнхийлөгч Халтмаагийн Баттулга Үндэсний баяр наадмын тухай хуулийн 8 дугаар зүйлийн 8.3, 8.6, 8.8-д заасан болзол хангасан уяачдад Монгол Улсын цол хүртээх тухай 148 дугаар зарлигийг 2021 оны зургадугаар сарын 2-ны өдөр гаргасан. Монгол Улсын Ерөнхийлөгчийн зарлигийн дагуу цол хүртээх ёслол өнөөдөр Төрийн ёслол, хүндэтгэлийн Их танхимд боллоо.
Монгол Улсын Ерөнхийлөгчийн 148 дугаар зарлигаар Монгол Улсын Тод манлай 5 уяач, Монгол Улсын Манлай 22 уяач, Монгол Улсын Алдарт 26 уяач төрлөө.
Төв аймгийн Баян сумын харьяат, ММСУХ-ны дэд тэргүүн Баасансүрэнгийн Нямжав МОНГОЛ УЛСЫН МАНЛАЙ УЯАЧ ЦОЛ хүртлээ.
ММСУХ-ны дэд тэргүүн Монгол улсын Манлай уяач Б.Нямжавын уясан хурдан хүлгүүдээс
- Ардын хувьсгалын 99 жилийн ойн азарганы уралдаанд хээр азарга түрүү магнай,
- “Их хурд-8” уралдаанд хээр азарга түрүү магнай
- Ардын хувьсгалын 98 жилийн ойн эрлийз морьдын дээд насны уралдаанд зээрд түрүү магнай
- Ардын хувьсгалын 98 жилийн ойн хурдан дааганы уралдаанд хул даага айргийн тавд
- Ардын хувьсгалын 98 жилийн ойн шүдлэн насны уралдаанд хар үрээ айргийн тавд
- Ардын хувьсгалын 98 жилийн ойн хязаалан насны уралдаанд хээр үрээ айргийн тавд
- “Эрдэнэт хурд-2018” даншиг наадмын хязаалан насны уралдаанд хээр үрээ түрүү магнай
- "Дүнжингарав-2018" төвийн бүсийн уралдааны азарганы уралдаанд хээр азарга түрүү магнайд хурдалж байсан юм.
