Өмнөговь аймгийн Гурвантэс сум тэг зогсолт хийлээ
Нийтэлсэн: 2021-04-01 02:19:50
Өмнөговь аймгийн Гурвантэс сум болон Нарийнсухайтын бүлэг орд “Саусгоби сэндс” компанид COVID-19-ийн сэжигтэй тохиолдол илэрсэн гэж Өмнөговь аймгийн Онцгой комисс мэдээллээ.
Үүнтэй холбогдуулан Гурвантэс сумын онцгой комиссын 2021 оны гуравдугаар сарын 31-ний өдрийн хурлын шийдвэрээр өнөөдрийн 14:00 цагаас дөрөвдүгээр сарын 3-ны 14:00 цаг хүртэл хугацаанд тэг зогсолт хийх тухай Сумын засаг даргын захирамж гарчээ. Энэ хугацаанд COVID-19 халдвараас урьдчилан сэргийлэх, тандалт хийх зорилгоор айл өрхүүдээс нэг иргэнийг шинжилгээнд хамруулах ажлыг зохион байгуулах юм.
