Сэлэнгэ аймгийн Ерөө сумын уурхайн ажилтнаас халдвар илэрчээ
Нийтэлсэн: 2021-02-01 02:02:43
Сэлэнгэ аймгийн Ерөө суманд үйл ажиллагаа явуулдаг уурхайн компани нэгдүгээр сарын 31-ний өдөр 536 ажилтнаа шинжилгээнд хамруулсан. Эндээс Улаанбаатар хотын Сонгино хайрхан дүүргийн 17-р хороонд оршин суудаг 27 настай, 5 ам бүлтэй иргэнээс халдвар илэрчээ.
Халдвар өнгөрсөн шөнийн хоёр цагт батлагдсан бөгөөд хариу арга хэмжээг авахаар Сэлэнгэ аймгийн онцгой комисс ажиллаж байна гэж тус аймгийн онцгой байдлын газраас мэдээллээ.
