УОК: Орон нутгийн иргэдийг буцаах ажлыг шөнийн 00:00 цагаас эхлэн зогсоолоо
Нийтэлсэн: 2021-01-27 02:34:21
Улсын онцгой комиссоос иргэдээ татах хөдөлгөөнийг зогсоохыг аймаг, нийслэлийн онцгой комисст үүрэг болгожээ.
Тухайлбал, Улаанбаатар хотод ковид-19 цар тахлын шинэ голомт хэд хэдэн газар бүртгэгдэж, нөхцөл байдал хүндрэх магадлал үүсээд байгаатай холбогдуулан Улсын онцгой комиссоос иргэдээ татах хөдөлгөөнийг нэгдүгээр сарын 27-ны 00:00 цагаас эхлэн зогсоох тухай албан тоот явуулсан байна.
Архангай аймгийн Засаг даргын шийдвэрээр нийслэлээс иргэдээ татан авах үйл ажиллагаа 2021 оны 01 дүгээр сарын 25, 26-ны өдрүүдэд үргэлжилж байсан боловч ийнхүү Улсын онцгой комиссын шийдвэрээр тодорхойгүй хугацаагаар хойшлогдоод байна. Хөдөлгөөн нээх шийдвэр гарсан даруй бүртгэл хийлгэсэн иргэдээ татан авах ажиллагааг дахин үргэлжлүүлэх болно хэмээн Архангай аймгийн ЗДТГ-аас мэдээллээ.
