Увс аймагт 4.3 магнитудын хүчтэй газар хөдөлж иргэдэд чичирхийлэл мэдрэгджээ
Нийтэлсэн: 2020-12-28 03:10:20
Увс аймгийн Наранбулаг сумын Алдар багийн “Бөгдөг” гэдэг газар /сумын төвөөс зүүн хойд зүгт 23 км-т, 2020. 12.28-ны өдрийн 05:21 цагт 4.3 магнитудын хүчтэй газар хөдлөлт болжээ.
Газар хөдөлсөн тухай мэдээллийг ООГХ-ээс 05:33 цагт Онцгой байдлын албанд ирүүлсэн байна. Тус аймгийн Онцгой байдлын газраар дамжуулан тус сумын Засаг даргын Тамгын газрын даргаас тодруулахад иргэдэд чичирхийлэл мэдрэгдсэн бөгөөд хохирол учраагүй тухай мэдээлжээ.
