Татвар, НДШ-ээ хугацаанд нь төлөөгүй бол алданги, торгуулиас чөлөөлнө
Нийтэлсэн: 2020-12-25 03:18:25
Засгийн газар, Улсын онцгой комиссоос тогтоосон хатуу хөл хорионы улмаас аж ахуйн нэгжүүд хуулиар ногдуулсан албан татвар, нийгмийн даатгалын шимтгэлээ хуульд заасан хугацаанд нь төлөхөд хүндрэл үүсч байгаа. Тиймээс 2020 оны есдүгээр сарын 1-нээс 2021 оны долоодугаар сарын 1 хүртэлх хугацаанд тайлагнасан татвар, 2020 оны аравдугаар сарын 1-нээс 2021 оны долоодугаар сарын 1 хүртэлх хугацаанд тайлагнасан НДШ-ээ хуульд заасан хугацаанд нь төлөөгүй тохиолдолд алданги, торгуулиас чөлөөлөхөөр төлөвлөжээ. Энэ бүхийг зохицуулах Татварын алданги, торгуулиас чөлөөлөх тухай, Нийгмийн даатгалын шимтгэл төлөгчийг торгох шийтгэл, алдангиас чөлөөлөх тухай хуулийн төслүүдийн хэлэлцэх эсэхийг УИХ дэмжээд байгаа юм.
