Баянзүрх дүүргийн эмнэлэгт COVID-19-ийн сэжигтэй тохиолдол илэрч, эмнэлгийг хамгаалалтад авчээ
Нийтэлсэн: 2020-12-17 02:11:57
Баянзүрх дүүргийн Нэгдсэн эмнэлэгт хэвтэн эмчлүүлж байсан нэг иргэний түргэвчилсэн шинжилгээний хариу эерэг гарч өчигдөр оройн /2020.12.16/ 23:00 цагаас эхлэн тус эмнэлгийг хамгаалалтад авлаа. Тухайн иргэн халдварыг хаанаас авсан нь нарийн тодорхойгүй байгаа бөгөөд шинэ голомт байж болзошгүйг эх сурвалж хэллээ. PCR шинжилгээний хариу баталгаажаагүй гэж байгаа ч эерэг гарсан гэх мэдээлэл байна. Одоогоор сэжигтэй тохиолдлын ойрын хавьтал болон дам хавьтлуудыг шинжилгээнд хамруулж, тусгаарлаад байгаа аж.
