“Ахмад буурлуудынхаа үгийг сонсож, үйл хэргийг нь үргэлжлүүлж яваарай” хэмээлээ
Багануур, Багахангай, Налайх дүүрэгт МАН-аас нэр дэвшигч С.Амарсайхан, Ц.Сандаг-Очир нар Налайх дүүргийн 4 дүгээр хороонд оршин суух Налайх дүүрэг дэх Мусалман шашны тэргүүн Жанарбекийн гэрт зочилж, Казак ахмад, буурлуудтай уулзан санал сэтгэгдлийг нь сонслоо.
Нийслэлийн Налайх дүүрэгт 1928 оноос хойш Казак иргэд ирж, суурьшин Налайхын уурхайд ажиллаж эхэлжээ. Одоогоор 4000 гаруй Казак иргэд дүүргийн 3, 4 дүгээр хороонд оршин суудаг байна.
Нэр дэвшигч С.Амарсайхан, Ц.Сандаг-Очир нарыг Жанарбек гуайнд цугласан ахмад буурлууд хүндэтгэн хүлээн авч, нутаг орноо мэддэг, хийсэн зүйлтэй, хэлэх үгтэй залуучууд биднийг төлөөлж УИХ-д суухаар нэр дэвшин өрсөлдөж байгаад баяртай байна. Ахмад буурлуудынхаа үгийг сонсож, үйл хэргийг нь үргэлжлүүлж яваарай гэж захиад, цаашдын ажил үйлсийнхэн их замд ерөөл өргөсөн юм.
Налайх дүүрэг дэх Мусалман шашны тэргүүн Жанарбек “Өргөө гэрт минь морилж, үйл хэргээ танилцуулан ахмад буурлуудынхаа үгийг сонсож байгаа та хоёртоо баярлаж байна. Одоо үед ийм залуучууд ховордсон. Цаашид Үндэсний цөөнх болсон Казак түмнийхээ төлөө олон сайхан ажлыг хийж хэрэгжүүлээрэй. Бидний ёс заншил, өв уламжлал гэдэг хамгийн үнэт зүйл шүү” хэмээлээ.
Хоёр нэр дэвшигчийн зүгээс хүлээн авч хүндэтгэл үзүүлсэн ахмад буурлууддаа баярласан талархсанаа илэрхийлээд цаашид хийж хэрэгжүүлэх ажил, намын мөрийн хөтөлбөрөө танилцуулаад “Урт удаан насалж, бидэндээ үргэлж үлгэр дуурайлал болж яваарай” гэсэн юм.
УИХ-ын сонгуулийн 21 дүгээр тойрогт нэр дэвшигч Сайнбуянгийн Амарсайхан, Цэндийн Сандаг-Очир нарын Сонгуулийн штаб
