ОЛИМПЫН ХОРОО БОЛОН БАДМИНТОН СОНИРХОГЧДЫН ХОЛБОО ХЯТАДЫН АРД ТҮМЭНД ХАНДИВ ӨРГӨЛӨӨ
Нийтэлсэн: 2020-02-28 08:50:55
Монгол Улсын Засгийн газраас БНХАУ-д туслах аяныг санаачлах шийдвэр гаргаж, хандивын данс нээн, ‘Мөнхийн хөршдөө сэтгэлийн дэмжлэг’ нэртэй хүмүүнлэгийн аяныг эхлүүлсэн билээ. Энэхүү аянд Монголын Үндэсний Олимпын Хороо болон Монголын Бадминтон Сонирхогчдын Холбоо нэгдэж, аюулт вирусын тархалт, хүндрэлийг зогсооход халуун сэтгэлийн хандив өргөлөө.
Мөн өнгөрсөн онд Монголын Бадминтон сонирхогчдын холбоо /МБСХ/-ны урилгын дагуу ‘Афин-2004’, ‘Бээжин-2008’ олимпын аварга Жан Нин, ‘Лондон-2012’, ‘Рио-2016’ олимпын аварга Фү Хай Фэн, 2011 оны дэлхийн аварга, ‘Лондон-2012’ олимпын мөнгөн медальт Ван И Хан тэргүүтэй алдарт өдөн бөмбөгчид бадминтоны спортыг хүүхэд залуучууд, олон нийтэд сурталчлан таниулах, хөгжүүлэх зорилгоор манай улсад айлчилж, хүүхэд залуустай нөхөрсөг тоглолт хийж байсан юм.
