Ухань хотоос ирсэн 31 оюутныг маргааш ХӨСҮТ-өөс гаргана
Нийтэлсэн: 2020-02-14 02:46:16
БНХАУ-ын Ухань хотод сурдаг оюутнуудыг эх орондоо авчрах үйл ажиллагааг Засгийн газрын яамд болоод холбогдох байгууллагууд хамтран зохион байгуулж, 31 оюутан, нэг хүүхдийг хоёрдугаар сарын 1-нд Улаанбаатарт хотод авчирсан билээ.
Ухань хотоос ирсэн 32 иргэнээс гадна Ухань хотод очиж ажилласан Гадаад харилцааны яам, Халдварт өвчин судлалын үндэсний төв /ХӨСҮТ/-ийн албан хаагч нарын хамтарсан баг, нисэх багийн бие бүрэлдэхүүний 15 хүнийг ДЭМБ-ын зөвлөмжийн дагуу ХӨСҮТ-д 14 хоног тусгаарлаад байсан юм.
Тэгвэл эдгээр иргэдийг маргааш /2020.02.15/ ХӨСҮТ-өөс гаргах боломжтой болсон гэдгийг ХӨСҮТ-ийн захирал Д.Нямхүү хэллээ.
