“Улаанбаатар олон улсын өдөрлөг 2019” энэ сарын 21, 22-нд болно
Нийтэлсэн: 2019-10-18 01:59:57
Нийслэл Улаанбаатар хот үүсэн байгуулагдсаны 380 жилийн ойн хүрээнд НИТХ, Нийслэлийн Засаг даргын Тамгын газраас санаачлан “Ulaanbaatar International Day 2019” олон улсын өдөрлөгийг энэ сарын 21, 22-ны өдрүүдэд зохион байгуулах гэж байна.
Монгол Улс дахь Элчин сайдын яамд, олон улсын байгууллагууд, Улаанбаатар хоттой ах, дүү найрамдалт харилцаат хотуудын төлөөлөл нэгэн дор чуулж, нийслэл хотын түүхэн хөгжил, тулгамдаж буй асуудал, гарц, шийдэл, цаашдын хамтын ажиллагааны талаар хэлэлцэхийн зэрэгцээ “Найрамдалт хотуудын аялгуу” хамтарсан тоглолтоо толилуулна.
Олон улсын өдөрлөгт ОХУ-ын Москва, Новосибирск, Казань, Эрхүү, Улаан-Үд, Элстэй, БНХАУ-ын Чөндү, Жилин, БНСУ-ын Сөүл, Бусан, Инчон, Намянжү, Тайландын Хаант Улсын Бангкок, Япон Улсын Мияконожо, Бүгд Найрамдах Казахстан Улсын Нур-Султан зэрэг 15 хотын 70 гаруй төлөөлөл оролцоно.
Нийслэлийн ЗДТГ-ын Хэвлэл мэдээлэлтэй харилцах хэлтэс
