ХҮҮХДЭД ЭЭЛТЭЙ ЗӨВ СОНГОЛТУУДЫГ НЭРЛЭНЭ
Хэрэглэгчид бараа бүтээгдэхүүн, үйлчилгээний хязгааргүй сонголт дунд аж төрж байна. Мэдээллийг сонин, сэтгүүл, телевиз гэх мэт албан ёсны хэвлэл мэдээллийн хэрэгслүүдээс авахаас гадна олон нийтийн цахим сүлжээнд бизнес эрхлэгчид бараа бүтээгдэхүүнээ сурталчилдаг. Энэ дунд хэрэглэгчдийн хувьд сонголтын төөрөгдөлд автах нь олонтаа. МММ-ийн Хүрээлэн, Монголын Сайтын Холбоо хамтран хэрэглэгчдийн дунд судалгаа явуулж, “Хэрэгцээт мэдээлэл аян”-ыг санаачиллаа. Өөрөөр хэлбэл хэрэглэгчдийн цаг завыг хэмнэсэн зөв сонголтуудыг санал болгох юм. Энэхүү зорилтот төслийн эхний аян “Хүүхдэд ээлтэй зөв сонголт”-уудыг онцлох аж. Сургууль, цэцэрлэг, сургалтын төв, бараа, бүтээгдэхүүн, үйлчилгээ гэсэн ангиллаар нэрлэхээ төслийг санаачлагчид мэдэгдлээ.
