Баянзүрхийн гүүрний ажил 69 хувьтай байна
Нийтэлсэн: 2019-08-07 22:52:47
БНХАУ-ын Засгийн газрын урт хугацааны зээлийн хөрөнгөөр хэрэгжиж буй томоохон төслүүдийн нэг болох Туул гол дээгүүрх Баянзүрхийн 321 у/м, дөрвөн эгнээ гүүрийн ажил үргэлжилж байна. Шинэ гүүрийн барилгын ажлын хүрээнд наймдугаар сарын 3-наас 4-ний хооронд дөрвөн тасалгаат хайрцган дам нурууны 120 у/м хэсгийн доод үе болон хавирган хананы хэсэгт 191 машин 1337 куб бетоныг 20 цаг тасралтгүй цутгаж дуусжээ. Одоо ажлын явц 69,60 хувьтай байгаа бөгөөд Налайх-Чойрын замын шинэчлэлтэй холбоотойгоор ирэх аравдугаар сард дуусах төлөвлөгөөтэйгөөр ажиллаж байгаа аж.
