С.Мөнхчулууныг “БАТЛАМЖЛАХГҮЙ” гэдгээ Ерөнхий сайд мэдэгдлээ
.jpg)
Монгол Улсын Ерөнхий сайд У.Хүрэлсүх С.Мөнхчулууныг томилохоос татгалзсан шийдвэрээ хүргүүлсэн байна. Тодруулбал, 2019 оны хоёрдугаар сарын 15-ны өдөр буюу өчигдөр Ерөнхий сайд уг хүсэлтээ НИТХ-ын хурлын дарга С.Амарсайханд хүргүүлжээ. “НИТХ-ын хурлын ээлжит бус VI хуралдаанаас Нийслэлийн Засаг даргаар томилуулахаар нэр дэвшүүлсэн С.Мөнхчулууныг Нийслэлийн Засаг даргаар томилохоос татгалзаж байгааг үүгээр мэдэгдэж байна” гэсэн аж.
С.Батболд ажлаа өгсний дараа МАН-ын Удирдах зөвлөл хуралдаж, Б.Мөнхбаатар, С.Амарсайхан нарыг Улаанбаатар хотын даргад нэр дэвшүүлэхэд С.Амарсайхан олонхийн санал авсан. Гэвч нэгдүгээр сарын 16-ны өдөр болсон НИТХ-ын хуралдаанд НИТХ-ын төлөөлөгч С.Мөнхчулуун өөрийнхөө нэрийг дэвшүүлснээр олонхийн санал авсан. Өөрөөр хэлбэл, Удирдах зөвлөлөөс санал болгосон нэр дэвшигчийг НИТХ-ын төлөөлөгчид дэмжээгүй бөгөөд заалнаас нэрээ дэвшүүлсэн С.Мөнхчулууныг дэмжсэн юм. Ийнхүү хамгийн олон санал авсан нэр дэвшигчийн нэрийг НИТХ болон НИТХ-ын даргын захирамжаар Ерөнхий сайд батламжлах учиртай байсан.
NUUTS.mn
