Нууц мэдээллийн уурхай

Холимог тулааны тамирчин, О.Пүрэвийн тухай мэдээлэл цахим орчинд хурдацтай түгэж байгаа билээ. “Нарантуул” захын орчим жижиглэн худалдаа ус, ундаа, сэтгүүл зардаг О.Пүрэв хүүхэд байхаасаа хэцүү амьдрал туулж, шаргуу бэлтгэл сургуулилтын үр дүнд тулааны өндөр амжилт үзүүлж байгаа тамирчин юм. Тэрбээр бямба гарагт болсон MGL-1 тэмцээнд ялалт байгуулсан бөгөөд ивээн тэтгэгчтэй болсон байна. О.Пүрэв өөрийн цахим хуудсандаа "Маш сайхан өдөр байна аа. "Алтан дорнод Монгол Корпорейт хотел" ХХК компанийн хамт олон Т.Ганболд ах дэмжин ажиллахаар боллоо. Мөн 5 сая төгрөгөөр ялалтыг минь мялааж дэлхийн аварга болоорой гэж захиж сайхан ерөөлөөр ерөөлөө. Анхны дэмжигч том байгууллагадаа болон Монгол ахан дүүсдээ маш их маш их баярлаж явдагшүү. Цаашдаа улам илүү хичээж дэлхийн аварга болохын тулд шаргуу хөдөлмөрлөнөө Баярлалаа Баярлалаа Баярлалаа" хэмээсэн байна.  "Алтан дорнод Монгол Корпорейт хотел" ХХК мөн саяхан тулаанаа хийсэн олимп дэлхийн мөнгөн медальт Н.Төгсцогтыг ивээн тэтгэдэг юм байна.

НУУЦ.мн