НӨАТ-ын буцаан олголтыг маргаашнаас өгнө
Нийтэлсэн: 2019-01-30 05:35:28
.jpg)
Иргэдийн дансанд маргаашнаас эхлэн 2018 оны НӨАТ-ын хоёр хувийн буцаан олголтыг шилжүүлж эхлэх аж. Энэ тухай дөнгөж сая Сангийн сайд Ч.Хүрэлбаатар мэдэгдлээ. Нийт 808 мянган хүнд 120 гаруй тэрбум төгрөг олгоно. Өмнөх онтой харьцуулахад НӨАТ-ын 2 хувийн буцаан олголтын хувь хэмжээ өмнөх оныхоос 40 хувиар нэмэгдсэн байна. Тодруулбал, 2017 онд 680,000 хүнд 78 тэрбум төгрөг олгожээ. НӨАТ-ын буцаан олголтыг энэ долоо хоногийн Пүрэв, Баасан гаригт багтаан шилжүүлж дуусгах төлөвлөгөөтэй байгаа аж. Мөн шинэ он гарахаас урьтаж, зарим иргэд НӨАТ-ын хоёр хувийн буцаан олголтоо авсан. Уг асуудалтай холбогдуулж, Татварын ерөнхий газрын даргын үүрэг гүйцэтгэгч Д.Занданбатыг чөлөөлнө гэдгээ Сангийн сайд Ч.Хүрэлбаатар тухайн үед мэдэгдэж байсан. Засгийн газрын өнөөдрийн хуралдаанаас эл асуудлыг хэлэлцээд, чөлөөлжээ.
НУУЦ.мн
