1995 онд байгуулсан гэх хуурамч ГЭРЭЭГ 2007 онд гарсан үсгийн фонтоор бичээд ...
Нийтэлсэн: 2019-01-30 01:42:26
.jpg)
ArsTechnica -д мэдээлснээр цагтаа Канадын нэртэй бизнесмэнүүдийн нэг явсан, "Look Communications" компаний эзэн Жеральд Макгои хүүхэд ч илрүүлэм аргаар хуурамч бичиг баримтыг үйлдээд баригджээ. Тэрээр 1995 онд холбоо харилцааны чиглэлээр үйл ажиллагаа явуулдаг компаниа байгуулаад бизнесийн хатуу ертөнцөд 12 жил ажиллажээ. Гэсэн ч ширүүн өрсөлдөөнд тэсэж үлдэж чадалгүй 2009 онд дампуурсан. Дампуурлаа зарлах үед компани нь 5,6 сая долларын өртэй гарсан ч өдгөө ч хэрэг зарга нь шүүхийн шатанд үргэлжилсээр байгаа билээ. Энэ оны 1-р сарын дундуур ээлжит шүүх хурал нь болсонд дампуурсан бизнесмэн шинээр хоёр нотлох баримтыг шүүхэд гаргаж өгчээ. 1995 онд үйлдсэн гэх уг гэрээнүүд нь Жеральд Макгоин хувийн хадгаламж компанийх нь өртэй огтхон ч холбоогүй болохыг баталсан баримт гэнэ. Гэсэн ч уг гэрээ хуурамч болох нь шүүх танхимд л илэрчээ. Гэрээг "Cambria и Calibri" үсгийн фонтоор бичсэн агаад уг фонтыг "Microsoft" компани нь 2005 онд зохиож хойш үүнээс хойш хоёр жилийн дараа л "Office 2007" программд суулган худалдаанд гаргасан.
Ийнхүү бизнесмэн хуурамч баримт бичиг үйлдэхдээ том алдаа гаргасан аж. Өдгөө тэрээр компанийхаа өрийг хувийн хадгаламжаараа төлөхөөс гадна нотлох баримт хуурамчаар үйлдсэн гэх хэрэг нэмэгджээ.
НУУЦ
