Нууц мэдээллийн уурхай

УИХ-ын гишүүн Ж.Батзандан Эрдэнэтийн 49 хувийг худалдан авалт хууль бус болсон талаар зг хэлэхдээ өмнө нь олонтоо шүүмжилж байсан ХЗДХ-ийн сайд Ц.Нямдоржийг учиргүй өмөөрчээ. Тэрээр “Монгол Улсын Засгийн газар Эрдэнэтийн 49 хувийг худалдан авах бүрэн чадвартай байсан. Гэвч Засгийн газар өөрөө хувийн компанитай хуйвалдаж, стратегийн орд газруудыг худалдсан нь гэмт хэргийн шинжтэй. Монгол төрийн аалзны тор шиг хэлхсэн хулгайн бүлэглэлийн гэмт хэргийг таслан зогсоохын тулд тууштай тэмцэнэ. УИХ-ын бүрэн эрхийг үгүйсгэж буй хулгайн бүлэглэлийн тэргүүн Ц.Элбэгдорж, М.Энхболд нарт үүнийг хэлчихье” гэлээ.

УИХ-ын дэд дарга Ц.Нямдоржийн хүү Н.Анхбаяр 2003-2006 онд Эрдэнэтэд 2.5 тэрбум төгрөгний "шахаа" хийсэн гэдэг мэдээлэл цацагдаад байгаа талаар сэтгүүлчид тодруулахад “Хулгайчид Ц.Нямдоржийн хүүгийн гаргасан жижиг алдаанд дөрөөлж, хууль бус үйлдлээ нуух гэж оролдож байна. Тагнуулын газрын дарга Ц.Нямдоржийг дарамтлах гэж тэр бичгийг аваад Төрийн ордноор явсан. Ийм жижиг юманд Ц.Нямдорж, Ж.Батзандан гэдэг хүмүүс дарамтлуулдаггүй юм гэдгийг Тагнуулын дарга ойлгох хэрэгтэй” гэв.

НУУЦ.мн