Оюутан залуу эцэг эхтэйгээ УУЛЗАХГҮЙН тулд хуурамч мэдээлэл өгөөд ...
Нийтэлсэн: 2019-01-29 06:55:38
.jpg)
The Independer -д мэдээлснээр настай франц хос 23 настай оюутан хүүтэйгээ уулзахаар энэ сарын 18-нд Лион-Ренн чиглэлийн нисэх онгоцонд суужээ. Хоёр хотын хооронд ердөө нэгхэн цаг нисдэг гэнэ. Гэтэл нислэгийн 45 минутанд нислэгийг удирдах төвөөс онгоцыг эргүүлэн дуудаж Лион хотод буулгажээ. Нэгэн хүн нисэх буудал руу утасдаж уг онгоцонд тэсрэх бөмбөг тавьсан хэмээн мэдээлсэн гэнэ. Цагдаа, тагнуулын тусгай баг онгоцыг нарийн шалгасан ч сэжигтэй зүйл гарсангүй. Зорчигчид өдөржин хүлээгээд орой нь арайхийн нисэн Реннд бууж франц хос ч хүүтэйгээ уулзжээ. Гэхдээ гэр бүлийн уулзалт удаан үргэлжлээгүй агаад маргааш нь л хүүг нь хуурамч мэдээлэл өгсөн хэргээр баривчилжээ. Онгоцонд тэсрэх бөмбөг нуусан гэх мэдээлэлийг өгсөн хүн хүү нь болохыг мэдээд хөгшин эцэг эх нь их гайхаж бас хүү нь өөрсөдтэй нь уулзахгүйн тулд ийм арга сэдсэнд маш их гомдсон аж. Эцэг эхтэйгээ уулзахгүйн тулд хийсэн тэнэглэлийнхээ төлөө оюутан залуу 75 мянган еврогоор торгуулах эсвэл таван жил хоригдох ялын аль нэгийг хүлээх гэнэ.
НУУЦ.мн
