Ойн хаздаг хар ШОРГООЛЖ 16-тай охиныг хүчиндэгчээс аварчээ
Нийтэлсэн: 2019-01-28 04:22:26
.jpg)
DailyMail -д мэдээлснээр ууртай бяцхан шоргоолжнууд хүчингийн хэргийг гарахаас нь өмнө таслан зогсоож чаджээ. Сулавеси арлын 29 настай Тони Ираван нь хайртай нөхөр, хоёр хүүхдийн халамжит аав, гэр бүлсэг нэгэн гэнэ. Гэсэн ч дотроо илүү ихийг хүсэж явжээ. Энэ сарын 19-нд тэрээр хөршийнхөө 16-настай охиныг машинаар зугаалуулах нэрээр ой руу авч давхижээ. Давхих зуураа бэлгийн харилцаанд орохыг тулган ёсон бус аашилсанд охин эрс дургүйцэж гэрт нь хүргэж өгөхийг шаарджээ. Эцэст нь яаж ийгээд санасанаа гүйцээх гэсэн эр ойн цоорхойн нэгэн бутны дэргэд зогсон машинаасаа чирч буулгаад дайрчээ. Охин байдгаараа эсэргүүцсэн ч нас биенд хүрсэн эрийг дийлсэнгүй. Энэ үед гайхалтай тохиолдлоор бяцхан боловч олон хамгаалагчид гарч иржээ. Нүгэлт эр охиныг ойн хар шоргоолжны том үүрний дэргэд даран унасан байжээ.
.jpg)
Энэхүү шоргоолж нь үүр болон эзэмшил нутгаа соргогоор хамгаалдагын дээр догшин зантай, урт хүчирхэг хазууртай гэнэ. Хар шоргоолжнууд үүрнийх дэргэд ноцоолдож буй хүмүүс рүү дайрч тал талаас нь хазаж эхэлжээ. Охин бас хазуулсан бол хүчирхийлэгч бүр ч их хазуулжээ. Эцэст нь завшааныг ашиглан бузар эрийн гараас мултарч зугтан тосгондоо очин болсон явдлыг эцэг эхдээ хэлжээ. Тэр дор нь цагдаад мэдэгдсэнээр шоргоолжинд улаан эрээн болтолоо хазуулсан Тониг ойгоос гарч ирэхэд нь баривчилжээ.
.jpg)
Индонезийн хуулиар түүнд 15 жил хүртэл хорих ял оноох гэнэ.
НУУЦ.мн
