Нууц мэдээллийн уурхай

67 настай канад покерчин Скотт Велленбах (Scott Wellenbach) нь буддын шажин шүтдэг тухай ВВС-д мэдээлжээ. Тэрээр саяхан Багамын аралд болсон “PokerStars Caribbean Adventure” тэмцээнд гуравдугаар байранд орж 671450 долларын шагнал хүртсэн ч бүх мөнгөө буяны үйлд хандивлахаар буддын сайн санааны байгууллагад шилжүүлсэн байна.  Мөнгийг авсан байгууллага нь “Хил хязгааргүй эмч нар” сайн дурынханд покерчны нэрийн өмнөөс хандивлажээ.  Покерчин эр өмнө нь хэзээ ч ийм өндөр хожил авч байгаагүй гэнэ. Гэхдээ шагналын бүх мөнгөө хандивласаар ирсэн. 2017 онд Барселонд болсон тэмцээнээс 72 мянган долларын шагнал авсанаа буддын гэлэнмаа нарын хийдэд шилжүүлсэн.

-Буддын шажинтны хувьд надад мөнгө хэрэггүй. Би гэгээрэл бясалгалын аргаар амар амгаланг үнэ төлбөргүй эдэлж байдаг-
Тэрээр бүх цагаа покерийн ширээний ард өнгөрөөдөггүй. Ихэнхидээ буддын ном судар уншиж бясалгал хийдэг гэнэ.

-Покер нь таны оюун ухаанд байгаа бурхан ба ад чөтгөртэй тулах хамгийн сайхан боломжийг өгдөг.  Покерийн хожил ялагдал бүрт таны сэтгэл дэх айдас итгэл хоёр мөн л адилхан хувирч өөрчлөгддөг-

НУУЦ.мн