Нууц мэдээллийн уурхай

Сан-д жинхэнэ хайрын нэгэн түүхийг мэдээлжээ. Ханна Алвард нь энэ жил 25 настай, царайлаг, тэгш сайхан биетэй бүсгүй. Түүний найз залуу нь  хөгжлийн  бэрхшээлтэй тэргэнцэртэй нэгэн юм. Пеньсильвани мужид төрсөн, өдгөө 26 настай Шейн Вурковыг хоёр настай байхад нь мэдрэлийн болон булчингийн эд эсийг гэмтээдэг “Spinal Muscular Atrophy” гэдэг эмгэг илэрчээ. Тэр цагаас хойш биемахбодь нь дутуу хөгжиж хөгжлийн бэрхшээлтэй болсон.

Бүсгүй дөрвөн жилийн өмнө хөгжлийн бэрхшээлтэй хүмүүсийн тухай баримтат киноноос ирээдүйн найз залуугаа олж харжээ. Тухайн үед Меннесота мужийн Чарльтоны коллежид сурч байсан Ханна эхлээд е-майл бичсэн гэнэ. Залуу ч бичсэнийг нь уншаад сэтгэл нь маш их хөдөлжээ.

-Би тэр үед л энэ эмэгтэйн тухай мэдэхийг маш их хүсэж байгаагаа ойлгосон. Хариу захидал бичих гэж хуруунуудаа хөдөлгөж ядаж байхдаа зүрх сэтгэл маань гэрэл гэгээгээр гийж байгааг мэдэрсэн-
Зургаан сар хэртэй харрилцсаны дараа бүсгүй залуу дээр иржээ. Өнгөрсөн онд Ханнагийн төрсөн хот болох Меннесота мужийн Миннеполис хотод нүүж ирсэн. Өдгөө тэд өөрийн гэсэн блогтой агаад 120 мянган хүн байнга үздэг.   Хүмүүсийн зарим нь жинхэнэ хайр гэдэг бол эрүүл саруул бүсгүй болон хөгжлийн бэрхшээлтэй залуугийн харьцааг “хэвийн бус, эвгүй зүйл” гэх нь ч бий.

-Биднийг блогдоо шинэ бичлэг, пост оруулах бүрийд тэд бидний хайр сэтгэлийн тухай шинэ шинэ таамаг дэвшүүлж эхэлдэг, анхны үнсэлт, анхны шөний тухай ч асуудаг-
Олон хүмүүс одоо ч тэдний учрах болсон шалтгааныг ихэд гайхдаг гэнэ. Зарим нь Ханнаг олон нийтийн өмнө сайхан сэтгэлтэн блж харагдах гэсэн хэмээн тааварладаг.  Бүсгүй хөгжлийн бэрхшээлтэй найз залуугийнхаа хамтаар бусад хос шиг л байдаг. Хамтдаа аялж цагийн зугаатай өнгөрөөдөг. Хүмүүс Ханнаг өөрийх нь найз бүсгүй гэдэгт итгэдэггүй тухай залуу ярьжээ.

-Тэд намайг ийм сайхан бүсгүйтэй гэдэгт итгэдэггүй. Ханнаг хараад миний эгч эсвэл асрагч гэдэг-
Залуу хос удахгүй хүүхэдтэй болохоор төлөвлөж байгаагаа блогдоо оруулсанаар дахин шуугиан дэгдээжээ.

НУУЦ.мн