Нууц мэдээллийн уурхай

lowkickmma.com -д мэдээлснээр энэ явдал Бразилийн Рио-де-Женейро хотод болжээ. UFC –ийн доод зиндаанд тулалдаж найм ялж хоёр ялагдсан тулаанч бүсгүй Полиана Вианаг шөнө такси хүлээн зогсож байхад  хажууд нь нэг залуу ирж суужээ.
-Тэр залуу хажууд суугаад цаг асуухад нь би хэлсэн. Тэр толгой дохисон боловч байгаа байдлаас нь харахад явах шинжгүй нь илт байсан-
Бүсгүй гар утасныхаа цагийг харж хэлээд далд хийх үед залуу” утсаа надад өг, би буутай яваа, эсэргүүцээд нэмэргүй шүү” гэжээ.  Бүсгүй эхэндээ үнэхээр гар буутай байж магадгүй хэмээн айжээ.

-Гэхдээ тэр надад бараг тулаад ирсэн тул буугаа гаргаж амжихгүй байх гэж тооцоолоод нүүрэнд хоёр удаа шулуун цохиж ухрахад нь эрүүнд нь өшиглөж унагасан. Унангуут нь гарыг нь өчөөд “одоо хоюулаа цагдаа хүлээнэ дээ” гэсэн-
Тулаанч бүсгүйг хоёр цохилт, нэг өшиглөлт дээрэмчний нүүрийг ийм болгожээ.

Хажуугаар өнгөрсөн хүмүүс цагдаа дуудаж тусалсан байна.

Удалгүй цагдаа нар ирж залууг баривчилжээ. Нэгжлэгээр биеэс нь ийм “гар буу” гарч иржээ.

Залуу саяхан шоронгоос суллагдсан байжээ. Харин энэ удаад нэлээн удаан суух биз.

NUUTS.mn