Харгалзагчаа зодоод зугтсан хоригдол замаас машин БАРЬТАЛ ...
Нийтэлсэн: 2018-12-25 02:42:48
.jpg)
The Daily Independent –д мэдээлснээр Кентукки мужийн Гринапын шоронд хоригдож байсан 31настай Аллен Льюис нь амжилттай оргож чадсан ч тун азгүй тохиолдлоос болж баригджээ. Түүнийг Хойд Каролина мужийн Роуэн дүүргийн шорон лүү шилжүүлэх шийдвэр гарах үед замдаа оргохоор шийдэж бүхнийг нарийн төлөвлөн бэлджээ. Хоёр шорон хоорондоо 385 км зайтай ч хоригдлыг машинаар хүргэхээр болж нэгхэн харгалзагч авч явжээ. Хоригдол замдаа гав нь хэт чанга тул гарыг нь өвтгөөд байна гэж гомдоллосон байна. Харгалзагч машинаа зогсоон гавыг нь суллах үед тэрээр дайрч халз тулаанд оржээ. Хүчирхэг гэмт хэрэгтэн цагдааг ухаан алдуулаад машинаас гарч зугтаажээ. Хэт яарсан тул гаваа тайлж амжаагүй гэнэ. Ингээд хурдны зам руу очиж гар өргөх үед нэгэн машин зогсжээ. Гайхалтай нь уг машиныг нэгэн их сургууль харицсан цагдаагийн хэсгийн/Америкт их дээд сургуулийн дотуур байрыг цагдаагийн тусгай хэсэг хариуцдаг/ ажилтан барьж явжээ. Их сургууль хариуцсан цагдаа замаас суусан эрийн өрөөсөн гарт санжигнах гавыг хараад хэн болохыг нь шууд ойлгожээ. Ийнхүү азгүй оргодолтэр дороо л баригдаж өдгөө оргосон гэх ял нэмэгдээд байна.
НУУЦ.мн
