Нууц мэдээллийн уурхай

ABC 7 CHICAGO -д мэдээлснээр Пенсильвании Лихайн их сургуульд химийн чиглэлээр сурдаг хятад оюутан Юкай Янг (Yukai Yang) нь хар арьст Жуван Роял (Juwan Royal)-тай дотуур байрны нэг өрөөнд амьдраад хэдэн жил болжээ. Сайн харилцаатай муугүй найзууд гэнэ. Нэг өрөөнд амьдардаг тул дундаа нэг хөргөгчтэй аж. Харин энэ жилийн хавраас хар арьст оюутан залуугийн бие үе үе гэнэт муудах болжээ.

Нэг удаа хичээлээ давтаж суугаад компьютерийнхаа ард ухаан алдаж унасан бол хэдэн өдрийн дараа зүрхний шигдээс болж зүрх нь нэг орчим зогсжээ. Энэ мэтээр янз бүрийн шалтгаанаар бие нь гэнэтхэн муудах болжээ. 4-р сарын эхээр өөр нэгэн гайхалтай явдал болжээ. Үл мэдэгдэх этгээд өрөөг нь бусниулаад ханан дээр нь “Зайл муу нигер” гэж бичсэн байжээ. Цагдаа нар тэр дор нь хамт амьдардаг хятад оюутанг сэжиглэн шалгасан. Учир нь өрөөний өөр нэг түлхүүр түүнд байсан. Шинжилгээгээр хананы бичгийн хэлбэр нь хятад оюутныхтай таарсан тул хэрэг гарсаны маргааш нь баривчилжээ.  Гар утас, компьютерийг нь шалгах үед тэрээр өмнө нь хулганы хор хийхэд хэрэглэгддэг талий гэдэг хорт бодис худалдан авсан нь тогтоогджээ. Хятад оюутан хорыг туршилтанд ашигласан гэж мэдүүлсэн ч мөрдөн байцаалтын явцад уг хороор өрөөний найзаа байнга хордуулж байснаа хүлээжээ.

Тэрээр анхнаасаа л Жуван Роялтай нэг өрөөнд орсондоо дургүйцэж байсан агаад сүүлдээ бүр үзэн ядах болжээ. Ингээд амийг хөнөөхөөр хоолонд нь хорт бодис бага багаар, байнга нууцаар хийж иржээ. Тэд нэг хөргөгчинд хүнсээ хадгалдаг байсан тул хордуулахад ядах юмгүй байжээ. Талий нь үнэр амт өнгөгүй тул мэдэгдэдгүй байсан аж. Хар арьст оюутныг нарийн шинжилгээнд оруулахад цуснаас нь уг хорт бодис илэрсэн байна. Өдгөө тэрээр хор зайлуулах эмчилгээ хийлгэсээр байгаа ч бие нь үе үе мууддаг хэвээрээ гэнэ. Харин хорон санаат хятадад арьс өнгөөр ялгаварлан гадуурхаж хүнийг санаатай хөнөөхийг завдсан гэх зүйл ангиар эрүүгийн хэрэг үүсгэн шалгаж байна.
 

NUUTS.mn