Хохирогчийн ар гэрийхнийг тавлаж инээсэн шүүгдэгчийн ЭЭЖИЙГ шүүх хурал дээр баривчилжээ /бичлэг/
Нийтэлсэн: 2018-12-09 04:17:11
Улмаар 93 хоног хорих ял оноосон тухай cbsnews-д мэдээлжээ. Энэ явдал цагаан арьст бүсгүй согтуугаар машин барьж яваад осол гаргаж хар арьст гар бүлийн нэг гишүүнийг хөнөөн нь нөгөөг нь хүнд гэмтээсэн хэргийн шүүх хурлын үеэр болжээ. Шүүгч нь хар арьстан байжээ.
.png)
25 настай Аманда Косал нь согтуугаар тээврийн хэрэгсэл жолоодож яваад 31 настай Жероми Зуркерийн машиныг мөргөж тэрээр амиа алдсан. Арын суудалд нь сууж явсан сүйт бүсгүй нь хүнд бэртсэн гэнэ.
.jpg)
Энэ хэргийг хэлэлцэх үеэр хохирогч болон шүүгдэгчийн ар гэрийнхэн зэрэгцэн суусан агаад цагаан арьстнууд нь бүдүүлэг эрээ цээргүй авирлажээ. Тэд хохирогчийн ар гэрийхнийг үг хэлж байхад тавлаж инээж шоолсон байна. Ялангуяа шүүгдэгчийн ээж нь бусдаас чанга инээж бах нь ханасан байдал гаргасанд шүүгч шүүх танхимаас гаргажээ. Улмаар тэр дор нь баривчлуулан хорих ял оноосон байна.
-Энэхүү эмгэнэлт өдөр зэрэгцэж суучихаад хайртай дотнын хүнээ алдсан гэр бүлийнхэн уй гашуутайгаар үг хэлж байхад тавлаж инээн хөхөрч байгаа та нар марзагнагчидаас ялгаа алга. Шүүгдэгчийн ээж та биеэ хэрхэн авч явахыг мэддэггүй юм байна. Энд хүн амины маш ноцтой хэргийг хэлэлцэж байгаа шүүх хуралдаж болж байна. Шүүгдэгчийн гэр бүлийнхэнд хүнд байгааг би ойлгож байна. Гэхдээ танай гэр бүлийн гишүүн хэрэг хийсэн болоод л энд зогсож байна. Би шүүх хурал дээр бусдыг шоолж инээн бах таваа хангаж ёс зүйгүй, үл хүндэтгэсэн байдал гаргасан энэ хатагтайд 93 хоног хорих ял оноолоо-
Цагдаа нар шүүх хурлын танхимаас дөнгөж гарч явсан шүүгдэгчийн ээжийг тэр дор нь баривчилжээ.
NUUTS.mn
