Нууц мэдээллийн уурхай

Английн Шропшир гүнлэгийн эм найруулагч, 49 настай Жулиа Фелтон нь Их Британы хамгийн өндөр ганц бие эмэгтэй гэхэд болно. Бараг хоёр метр өндөр түүний хөл нь мөн л том байх нь мэдээж. Аварга эмэгтэйн хөлний тавхайн урт нь 30,5 см агаад 49 размерийн гутал өмсдөг.

Ийм хэмжээтэй эмэгтэй гутал байхгүй тул Жулиа бүхий л насныхаа турш эрэгтэй гутал өмсөж ирсэн.
Өдгөө эмэгтэй нас хэвийсэн үедээ гэрлэхээр болсон тул амьдралдаа хоёр дахь удаагаа бүсгүй хүний гутал болох хуримын туфль өмсөх шаардлагатай болсон.
-Би Английн хамгийн том хөлтэй эмэгтэй гэдгээ мэдэж байна.  Гэхдээ гэрлэж буй эмэгтэйн хувьд зохи ёсоор тэр тусмаа хуримын туфль заавал өмсөх учиртай-
Өмнө нь 24 насандаа нөхөрт гарахдаа бас л энэ асуудалтай тулгарсан ч захиалгаар хийлгэжээ. Гэсэн ч гэр бүлийн амьдрал нь бүтээгүй тул туфлээ хар өнгөөр будаад хаячихсан гэнэ. Энэ удаад сүйт залуу нь болох 193 см өндөртэй  Стив Эвансын хамт таарах туфль хайж байна.

Захиалгаар хийлгэж болох ч энэ нь мянган фунт буюу бараг гурван сая төгрөгний өртөгтэй гарах аж. Гэтэл ахимаг хосод зөвхөн хуримын туфльд тийм их хэмжээний мөнгө зарцуулах боломж байхгүй тул заавал хайж олохоор шийджээ.
 

НУУЦ.мн