Нууц мэдээллийн уурхай

-Та танхимынхаа эсрэг гарын үсэг зурж, кноп дарсан. Яагаад ийм шийдвэр гаргах болсон бэ?

- Улс төр ёс зүйтэй байхыг шаарддаг. Хэн нэгэн хүний дохио зангаагаар асуудалд хандсан гэхээсээ илүү улстөрчийнхөө хувьд ёсзүй дээр суурилсан шийдвэр гаргасан. Шийдвэрээсээ буцах, булзах шаардлага надад байхгүй. Тийм ч учраас би кноп дарах мөчид өөрийнхөө гарын үсгийг баталгаажуулаад саналаа өгсөн. Энэ бол улстөрчийн шийдвэр. Та ажлаа өгөх үү гэдэг асуудал байгаа. Би Ерөнхий сайдтай сая уулзаад ажлаа өгөхөд ямар ч асуудал байхгүй, харамсах зүйлгүй гэдгээ хэлчихээд гарч ирлээ.

- Та ёс зүй ярилаа. Засгийн газрын гишүүн танхимынхаа эсрэг санал өгөх нь ёс зүйтэй асуудал уу?

- Улс төрд ийм асуудал байдаг. У.Хүрэлсүх өөрөө ч Шадар сайд байхдаа Засгийн газраа огцруулж байсан. Ерөнхийлөгч Х.Баттулга хүртэл сайдын суудлаа өгөөд Засгийнхаа эсрэг саналаа өгч байсан. Цаг хугацааны хувьд энэ хүний шийдэл ямар байсан бэ гэдгийг харуулаад өгнө. Хувь хүний хувьд ч тэр, зарчмын хувьд ч тэр, ёс зүйгээ бодсон ч тэр "засагтаа намайг аваад үлдээчээ" гэж хэлэхгүй.

- Та өргөдлөө өөрөө өгсөн үү?

- Би өргөдөл өгөх шаардлагагүй. Танхим шийдвэрээ гаргасан. Тэгээд л болоо.

НУУЦ.мн