Нууц мэдээллийн уурхай

DailyMail –д мэдээлсэнээр 11-р сарын 11-нд Хятад даяар өөрийн гэсэн “Хар баасан гариг” болдог гэнэ. Энэ өдөр орон даяар бүх дэлгүүр хоршоо, он-лайн худалдааныхан үнээ огцом буулгадаг. Оюутан бүсгүй Хун Цзя  10-р сар гарангуут л үүнд бэлдэж мөнгөө хурааж эхэлжээ. Мөнгө хураахын тулд зардлаа багасгахаар шийдэж хамгийн эхэнд хоолондоо хэмнэж гарсан. Тэрээр турах бус харин 11-р сарын 11-нд их бараа худалдаж авахын тулд мөнгөө хэмнэн бэлэн хоолоор хооллосон байна. Иддэг ганц хоол нь “Доширак” болж өдөрт гурван удаа идэж байжээ.

Ийнхүү бүтэн сар бэлэн хоолдсоны эцэст хоолны мөнгөнөөсөө 750 юанийг хэмнэж чадсан нь бага бишд тооцогдоно.

Гэсэн ч хэмнэсэн мөнгөө үрж чадсангүй. Хүслэнт өдөр нь болохоос хэдхэн хоногийн өмнө бүсгүйн бие гэнэт мууджээ. Өндөр халуурч бие нь суларч хөдлөх тэнхэлгүй болж эмнэлэгт хүргэгджээ. Шинжилгээгээр удаан хугацааны турш байнга бэлэн хоол идсэний улмаас биемахбодод нь сөрөг өөрчлөлт гарсан нь тогтоогджээ.

Ингээд бүсгүй “хар Баасан гариг”-д зориулж хураасан мөнгөө эмчилгээний зардалд зарцуулж дуусаад улмаар төдий хэмжээний мөнгө нэмж зээлэхэд хүрсэн байна. Эмнэлэгт хэвтсэн ор-хоног, эмчилгээний төлбөр нь нэг мянган юань болжээ. Мөн эмнэлгээс гараад нэг удаагийн курс нь 100 юаньд хүрэх эмийг тодорхой хугацааны турш ууж байгаа гэнэ.

NUUTS.mn