Нууц мэдээллийн уурхай

Reddit –д Makosharkin гэдэг хэрэглэгч бүсгүйн сүйт залуугийнхаа тухай оруулсан пост тэр дороо хамгийн их хэлэлцэгдсэн сэдвээр тодорчээ. Хэсэг хугацааны дараа пост устгагдсан боловч D’Marge –д нэлээд дэлгэрэнгүй нийтлэгдсэн. 25 настай бүсгүйн сүйт залуу нь 27-той гэнэ. Тэдний харьцаа удахгүй гэрлэх бусад хосуудын нэг адил гал халуун байжээ.
-Би сүйт залуутайгаа учраад дөрвөн жил болж байна. Би түүндээ хайртай бас хүндэлдэг. Гэсэн ч надад тавьсан хөгийн санал нь тэр бүх хүндэтгэл хайрыг үгүй хийсэн-
Бүсгүйн бичсэнээр сүйт залуу нь өөртэй нь учирахаасаа өмнө 100 бүсгүйг өвөртөө оруулсан жинхэнэ Дон Жуан буюу “урдуураа улаан хөлтөнг гаргадаггүй” нэгэн байжээ. Бүр энэ амжилтаараа сайрхсан гэнэ. Улмаар сүйт бүсгүйдээ одооноос эхлэн “нээлттэй” харилцаатай байх шаардлага тавьжээ. Энэ нь сүй тавьсан болон гэрлэсэн эхнэр, нөхөр хоёр тусдаа бэлгийн хамтрагчтай байхыг зөвшөөрдөг харилцааг хэлдэг. Бүсгүй энэхүү ой гутам саналд нь эрс татгалзсан боловч сүйт залуугийнхаа шахалт шаардлаганд арга буюу бууж өгчээ.
-Надад өмнө нь ердөө хоёрхон эр хүн байсны нэг нь сүйт залуу маань ... Ингээд өөр хүнтэй энгэр зөрүүлэх нь надад маш хэцүү, сэтгэлзүйн хувьд давагдашгүй даваа мэт байлаа. Гэсэн ч энэхүү саадыг давж гарах хэрэгтэй гэж өөртөө тушаасан. Харин эрчүүдийг уургалах нь миний хувьд  тийм ч хэцүү биш санагдсан-
Ингээд бүсгүй олон хүүхэнтэй унтсанаараа гайхуулдаг сүйт залуугаасаа хариугаа авах ажилд ханцуй шамлан оржээ. Makosharkin –ын бичсэнээр тэрээр сүүлийн нэг жилийн дотор 42 залуутай энгэр зөрүүлсэн гэнэ.  Эцэст нь “нээлттэй” харилцаанаас болж найз залуутайгаа ээлжит удаагаа хэрэлдэх үедээ энэ амжилтаараа бахархжээ. Гэтэл дээрхи  хугацаанд ердөө хоёрхон хүүхэнтэй унтсан гэх залуу боож үхэх шахсан гэнэ.
-Тэр галзууртлаа уурлаж “Юу гэнээ надаас 20 дахин олон гэж үү” хэмээн байдгаараа хашгирсан-
Энэ үед нь бүсгүй төлөвлөж байснаараа “нээлттэй” харилцаагаа зогсоох саналаа хэлжээ. Гайхалтай нь сүйт залуу нь хүлээж аваагүй бөгөөд харин сөрөг нөхцөл болзол тавьсан гэнэ. Тэрээр эхлээд бүсгүйг 10 залуутай унтаад л хэсэг зуур завсарлага авч байхыг шаарджээ. Бүсгүйг татгалзахад 5/1 гэсэн харьцааг санал болгосон гэнэ. Өөрөөр хэлбэл өөрийг нь таван эмэгтэйтэй унтсаны хариуд бүсгүй нэг  залуутай учир ургуулах ёстой аж.
-Энэ мэт тэнэг маргаан мэтгэлцээний эцэст сүүлдээ бүх зүйл утгагүй болж эхэлсэн. Бид сүй тавьсан атлаа унтсан хүмүүсийнхээ тоогоор уралдаж байгаа нь тун утгагүй юм. Би гэр бүл үүсгэж нөхөртэй, хүүхэдтэй байшинтай бас нохойтой болохыг мөрөөдөж суусан. Ирээдүйд чи нөхрөө таван хүүхэнтэй унтаж дуусахыг нь хүлээгээд гэртээ хүүхдээ хараад суух болж байна уу гэж өөрөөсөө асуусан-
Бүсгүй постынхоо төгсгөлд сүйгээ цуцлах талаар бусад цахим хэрэглэгчдээс асуусанд бүгд харилцаагаа таслахыг зөвлөжээ. Маргааш нь бүсгүй сүйт залуугаасаа салсанаа мэдэгджээ.
 

НУУЦ.мн