Нууц мэдээллийн уурхай

УИХ-ын чуулганы өнөөдрийн хуралдаанаар Б.Батзориг гишүүний бүрэн эрхийг түдгэлзүүлэх талаар Монгол Улсын ерөнхий прокуророос ирүүлсэн саналыг хэлэлцсэн.

Энэ үеэр Улсын Ерөнхий прокурор М.Энх-Амгалан гишүүдэд хандан хатуухан үг хэлсэн нь олны анхаарлыг татаад байна. Тэрбээр “УИХ-ын гишүүний бүрэн эрхийг түдгэлзүүлж өгөх хүсэлтийг гурав дахь удаагаа оруулж ирж байна. Өнөөдөр ямар хариу өгөхийг нь мэдэхгүй байна. Өмнөх хоёрт нь татгалзсан хариу өгсөн. Шударга ёс энэ танхимаас эхлэх ёстой юм. Та нарын шударга ёсыг тогтоож өгч байгаа чинь хаана байгаа юм. Хууль ёсыг дээдлэх ёстой гэх үндсэн зарчимтай УИХ энэ хүмүүсийг яагаад шалгуулж болдоггүй юм. Түдгэлзүүлэхгүйгээр шалга гэж байна. Түдгэлзүүлэхгүйгээр УИХ-ын гишүүн, жирийн иргэн хоёрыг шалгах чинь шал өөр шүү дээ. Жирийн иргэн, Сангийн эрхлэгч нь өнөөдөр цагдан хоригдчихсон байж байна. Гэтэл УИХ-ын гишүүн нь энд сууж байна шүү дээ. Шийдвэр гаргасан хүн нь шүү дээ. Энэ хүний үүргийг биелүүлсэн хүмүүс нь тэнд цагдан хоригдчихсон байж байна. Энэ шударга ёс юм уу. Шударга ёсыг тогтоохын төлөө би энэ асуудлыг оруулж ирж байгаа юм. Болохгүй, бүтэхгүй алдаа согогтой хууль хийчихсэн. Тэгээд тэр хуулийнх нь дагуу ажиллаж байгаа хүнийг “Чи ажлаа хийсэнгүй” гэдэг. Мөс хайлуулах ажил чинь миний үүрэг биш. Би хууль зөрчиж буй хүнийг Эрүүгийн хэргийн хууль тогтоомжийг хэрэгжүүлэх үүрэгтэй хүн. Яллах нөхцөл байдал тогтоогдсон бол хэнийг ч яллах үүрэгтэй” гэв.

НУУЦ.мн