Нууц мэдээллийн уурхай

ДейлиМэйл-д мэдээлснээр Английн Мейдэнхэйд хотын 46 настай бизнесмэн  эмэгтэй Клэйр Вюсби тавилгын “Berkshire Bed Company Ltd” компаний нэрийн дэлгүүрээс “Beds Are Uzzz” загварын унтлагын том ор захиалжээ. Ор ирэхдээ нэлээд гэмтэлтэй байсан гэнэ. Нэг хөлнийх нь хоёр боолт байхгүйн дээр толгой хөл хоёр нь дөрвөн см-ын зөрүүтэй байжээ. Гэсэн ч эмэгтэй хэл ам хийлгүй хүлээн авсан нь алдаа болжээ. Махлаг эмэгтэй хамтран амьдрагчтайгаа шинэ орон дээрээ энгэр зөрүүлж байхад энэхүү эмгэнэлт явдал болжээ. Клейрийн мэдүүлснээр тэрээр хамтрагчийнхаа дээр байрлалтай загас наадуулж байжээ. Дараа нь байрлалаа солин дор нь орох үед өнөөх боолт нь дутуу хөлийн талаараа ор нурж бүх биеийн жингээрээ шалан дээр унажээ. Хамрагч нь дээрээс нь бас унасан агаад эмэгтэй нуруу нугасны хүнд гэмтэл авсаны улмаас биеийн зүүн тал нь саажиж хөгжлийн бэрхшээлтэй болжээ. Явах чадвараа бүрэн алдаж тэргэнцэртэй нэгэн болсон гэнэ.

Өдгөө  өөрт учирсан хохирлоо нэг сая фунт буюу бараг гурван тэрбум төгрөгөөр үнэлэн тавилгын дэлгүүрийг бүрэн бүтэн бус ор худалдсан хэмээн шүүхэд өгчээ. Харин дэлгүүр нэхэмжлэлийг үндэслэлгүй хэмээн эсэргүүцжээ.

НУУЦ.мн