Хятад бизнесмэний ЕВРОП түншийн дүрд тоглоод 3000 доллар авдаг үйлчилгээ нээгджээ
Нийтэлсэн: 2018-11-03 07:13:26
.jpg)
Урд хөршид нэр хүнд, үнэлэмжээ өсгөх гэсэн бизнесмүүдэд зориулагдсан шинэ төрлийн үйлчилгээ нээгджээ. Тусгайлан сонгож бэлдсэн европейд төрхтэй хүмүүс захиалга өгсөн бизнесмэний зохион байгуулсан уулзалт, хүлээн авалт, үдэшлэг эсвэл гэр бүл, хамаатан садны хүрээний баяр, хурим найр зэрэгт европ, америк түншийн дүрээр оролцдог болжээ. Европ эсвэл Америкийн бизнес түнштэй байх, түүнийгээ олны өмнө батлах харуулах нь бизнесмэний нэр хүнд үнэлэмжийг бизнесийн болон хамаатан садан, найз нөхдийх нь хүрээнд өргөж өгдөг гэнэ. Арга хэмжээнд гадаад түнш нь хэмээн европейд төрхтэй хүмүүс ирэх нь хятадуудад тун хүчтэй сэтгэгдэл төрүүлдэг аж. Өдгөө Бээжин, Шанхай зэрэг хотуудад ийм үйлчилгээ өргөн дэлгэрчээ. Том хотын бизнесмэнүүдээс гадна гадаад харилцагчгүй хөдөөнийхөн хүртэл гадаад "түнш" захиалан орон нутагтаа нэр хүндээ өсгөдөг болжээ. Хүлээн авалт, хурим найрандаа гадаад "түнш"-ээрээ гайхуулахад 2000-3000 долларын хөлс төлдөг.
НУУЦ.мн
