Нууц мэдээллийн уурхай

The Wasnhington Post –д одоо болтол одохгүй байгаа алагдсан сэтгүүлч Жамали Хашгогийн цогцсын талаар шуугиант мэдээлэл цацагджээ. Тус сонин  Туркын прокурорын газрын эх сурвалжийг дурдан бүрлээч сэтгүүлчийн цогцсыг мөчилж жиргээд тусгай саванд хийсэн хүчилд хайлуулан уусгаад Стамбул дахь Саудын Арабийн консулын хашаанд тараан цацсан гэжээ. Хүчлээр хайлуулсан болохыг консулын цэцэрлэгээс олсон биологийн үлдэцэнд хийсэн шинжилгээний дүгнэлт баталсан гэнэ. Мөн тус сонин мэдээллийг прокурорын газрын өндөр албан тушаалтнаас авсан гэдгээ дурджээ. Өмнө нь сэтгүүлчийн цогцсыг мөчилж жиргэсэн гэдгийг тогтоосон ч цогцсын хэсгүүдийг нь хайгаад олохгүй байжээ. Харин одоо хүчилд хайлуулаад дараа нь консулын цэцэрлэгт тарааж цацсан болохыг нь тогтоосон байна. Түүнээс гадна сэтгүүлчийг хөнөөх, цогцсыг нь мөчилж жиргэх улмаар хүчилд хайлуулах ажиллагааг Саудын Арабын нийслэл Эр-Риядаас ирсэн тусгай үүрэгт мэргэжлийн баг гүйцэтгэсэн гэнэ. Энэ багийг “үхлийн эскадрон” гэж нэрлэжээ.

NUUTS.mn