Нууц мэдээллийн уурхай

Сан-д мэдээлснээр Английн өдөр тутмын нэгэн том сонинд гарсан зарлалыг цахимд нь өргөнөөр хэлэлцэж байна. Тус зард нэрээ нууцалсан нэгэн тэрбумтан эр үйлчилгээний бүхэл бүтэн алба хөлсөлж авах тухайгаа зарласан. Нийт хувийн тогооч, угаагч, жолооч, үйлчлэгч зэрэг 12 хүний дотор өглөө охиныг нь хичээлээс нь хоцроохгүйн тулд  сэрээх үүрэгтэй тусгай ажилтан хүртэл авах гэнэ. Үйлчлэгч ажилтан нарт жилийн 30 мянган фунтын цалин өгөх агаад энэ нь 15 гаруй сая төгрөгтэй тэнцэнэ. Энэ зарыг цахимаар өргөнөөр хэлэлцэхэд зарим нэг зүйлс тодорхой болжээ. Нэгэн энэтхэг тэрбумтаны охин  Шотландын алдартай Сент-Эндрюссийн их сургуульд суралцахаар иржээ.

Тэрээр ганц охиноо их сургуулийн дотуур байранд оруулахаас эрс татгалзаж хажуухан талд нь тансаг эдлэн худалдан авч өгсөн байна. Өдгөө эдлэнд нь ажиллах үйлчилгээний алба шаардлагатай байгаа тул ийнхүү зар өгчээ. Энэтхэг нь олон зуун жил Английн колони байсан тул британичууд тэдний бачяуудын тансаглалд нь ихээхэн дургүйцдэг. Өнгөрсөн 6-р сард баячуудын хүүхдүүд жирийн амьдралд ордог “Rich Kids Turn Skint” шоунд энэтхэг тэрбумтны охин 22 настай оюутан Сепи Самаи (Sepii Samaee) оролцсон. Тэрээр шоуны үеэр ажил хийж метрогоор явсандаа дургүйлхэж, лондончуудын ядуу доройг гайхаад бушуухан дуусгаад баян амьдралдаа ормоор байгаагаа ярьсан нь англичуудын дургүйцлийг төрүүлсэн.

NUUTS.mn